2023露營裝備清單｜新手必睇懶人包

#露營裝備清單 #露營新手 #露營拎咩 #租露營用品香港 #​租露營裝備

第一次露營要拎咩？有咩露營裝備係必需品？露營當然唔想拎晒成個屋企上山，以下呢個露營裝備選擇指南、裝備懶人包一次通通整理好俾你！無論你係已經有齊裝備要執野去露營老手定準備買裝備既露營新手都啱用！即刻準備一場完美的戶外山野體驗啦～

​１）帳篷

露營最重要既一件裝備！無疑就係帳篷既選擇！

Step 1: 人數
第一步要依據「人數」去決定大小，挑選適合自己家庭人數的露營帳篷。一般分為1-2人營、3-4人營和家庭營。


Step 2: 重量、裝卸難易度
​第二步要視乎露營的路線和style，選擇合適既營具。如需要較長時間才能到達營地，輕量的營具便十分重要。如家庭式露營，既要照顧小朋友又要搭建帳篷，實在十分令人煩惱。因此，可以快速裝卸設計或充氣營骨的帳篷就非常適合要照顧小朋友安全的家長們。

Step 3: 防水機能
第三步就係要睇機能性，選擇採用內外帳雙層設計既帳篷，可減少水蒸氣積聚於營內，保持營裡面乾爽。外帳採用防水物料及經防水性水量測試，確保不會滲水，可減少露營時落雨同露水遇到既煩惱。

Step 4: 細節位
除左注意以上幾點，也需要考慮帳篷內既空間是否足夠擺放露營用品，門口有無小前廳等等。值得留意既一啲小細節仲有﹕有無提供掛露營燈的既掛勾、營柱既質量、堅固同耐用度

２）天幕

天幕除左可以為你提供更舒適的露營空間，更加可以為野炊、食飯同傾計提供更好的位置。但要特別注意既係大部分天幕都無營柱，所以還需要再另外準備營柱。另外，有啲大型帳篷亦會設計成一房一廳的樣式，對露營新手泥講亦係一個幾好既選擇！

３）​營釘、營繩、營鎚

頭兩樣工具一般購買帳篷都會附贈，但建議出發露營時要帶多一啲營釘，當遇到地面太硬或上次用完唔見左都可以順利ｓｅｔ營。營繩都建議帶多啲，當風大的時候就可以綁在附近的樹上加強固定，亦可以固定露營燈或其他小物; 營鎚則需要另外購買

４）​床墊

露營床墊可阻隔地上濕氣和隔熱。坊間有輕量既泡棉式睡墊、充氣式睡墊、自動充氣式睡墊。由單人睡墊、雙人睡墊到適合家庭使用的雙人加大睡墊，總有一款合你需要！如想訓得更舒適，行軍床亦係一個唔錯既選擇！

５）枕頭
露營枕頭有吹氣型、棉布型同記憶乳膠型等，吹氣型通常體積細，最方便攜帶同收藏。要留意既係大部分吹氣露營枕頭都唔可以直接放入洗衣機洗，所以建議使用時外層再套上一層布來防污，或者使用完之後簡單清水擦拭一下。

６）睡袋
​準備好既睡袋，就唔洗擔心日夜溫差大容易冷凍到感冒。坊間通常有羽絨睡袋、棉質睡袋、人造織維睡袋可供選擇。但選擇睡袋時唔係要求羽絨咁簡單，仲要睇下羽絨膨脹度(FP值)、絨重以及適合溫度。

７） 營燈
建議攜帶頭燈、電筒同吊掛式露營燈。千其唔好睇少頭燈，夜晚時有頭燈照明搵野可以更慳時間，搵廁所都唔怕跌親。

8） 戶外摺疊枱、椅子
可摺疊同輕量既露營枱可以節省背囊唔少位置

9） 煮食用具

• 餐具：碗碟、刀叉、杯子，易洗、不生銹的即可
• 水煲：在外露營有水煲非常重要，因為煮杯面沖咖啡都需要熱水
• 鍋具：如果你準備以火鍋方式用餐，記得攜帶好收納的鍋具來烹煮
• 刀具：刀和剪刀
• 火爐：Gas或高壓氣爐
• 調味料：可將個人喜好的調味料用小瓶罐裝好攜帶。
• 垃圾袋：外出露營都要記得執返垃圾同分類

執齊以上物品，加埋你既衫褲鞋襪同梳洗用品，放入背囊就可以放心去露營啦!